daajis.com:-Al-Shabaab ayaa markii labaad weerartay Xarunta Madaxtooyada Villa
Soomaaliya, iyadoo weerarkii xalay ku soo beegay xilligii afurka loo
fadhiyay, waxaana wali socda baaritaano ay hey’adaha amniga wadaan.
Weerarka ayaa ku bilowday gaari waxyaabaha qarxa laga soo buuxiyay oo
u qarxay meel aan sidaa uga fogeyn albaabka gudaha ee laga galo xarunta
Madaxtooyada, kadib markii gaariga uu soo dhaafay dhowr bar koontarool
oo laga waar-diyeeyo Xarunta Madaxtooyada.
Wasiirka Warfaafinta Mustaf Dhuxlow ayaa sheegay in weerarka ay
geysteen saddex ruux iyo nin darawal ahaa oo ciidamada gacanta ku
qabteen, waxaana la sheegayaa in gaariga weerarka laga fuliyay ay laheyd
shirkad isgaarsiineed oo xafiis ku laheyd Madaxtooyada.
21-kii bishii Febraayo ayay aheyd markii weerar is qarxin iyo mid
toos ah ay dagaalyahano ka tirsan Shabaab ku qaadeen Madaxtooyada,
iyagoo xilligaas ka galay albaabka dambe Madaxtooyada ee dhinaca
Boondheere.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 01:18 and have
, Published at