daajis.com:-Banaan bax ballaaran oo ka dhan ah dowladda Kenya ayaa ka bilowday
magaalada Nairobi, iyadoo kumanaan ruux ay isugu soo uruureen fagaaraha
Uhuru Park, halkaasoo lagu wado in Hogaamiyaha Mucaaradka Kenya Raily Odinga uu kala hadlo.
Ciidamo fara badan ayaa la soo dhoobay wadooyinka, iyadoo isku dhacyo
kooban ay mar sii horeysay dhex martay ciidamada booliska iyo dadka
dibad baxayay oo ku dhawaaqayay erayo ka dhan ah dowladda uu hogaamiyo
Uhuru Kenyatta.
Banaan baxan oo ay horay u iclaamiyeen Mucaaradka ayaa waxay ku
dalbanayaan in dowladda ay kala dirto Gudiga doorashooyinka madax
banaan, iyagoo ku eedeeyay dowladda in xaalada ammaan ay faraha ka
baxeen, shaqo la’aan iyo dhibaatooyinka oo sii kordhay.
Qaar ka mid ah dadweynihii isugu soo uruuray fagaaraha Uhuru Park
ayaa ku dhaliilay dowladda in aysan waxba ka qaban arrimaha ammaanka iyo
shaqo la’aanta baahsan ee jirta iyo hoos u dhac dhaqaale oo ku yimid.
Madaxweynaha Kenya Uhuru Kenyatta ayaa horay ugu gacan seyray dalab
ka yimid Mucaaradka oo ku aadanaa in la qabto shirweyne, in la kala diro
gudiga doorashooyinka iyo arrimo kale.
Ciidamada ammaanka ayaa baarayay dadka galayay fagaaraha Uhuru Park,
waxaana ay isugu gedaameen dhamaan fagaaraha wadooyinka laga galo,
waxaana dadka ka qeyb galayay dibad baxan loo daaray heeso, iyadoo la
sugayo Hogaamiyaasha mucaaradka inay goobta soo gaaraan.
Raily Odinga Ra’iisul Wasaarihii hore Kenya ahna Madaxa mucaarada
Xisbiga CORD ayaa tan iyo markii uu bilo ka hor dib ugu soo laabtay
magaalada Nairobi waday olole ka dhan ah dowladda, iyadoo xiisado
siyaasadeed uu dalka galay.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 22:20 and have
