daajis.com:-Xulka dalka Jarmalka ayaa koobka aduunka qaaday markii afaraad taariikhda kadib markii ay caawa 1-0 uga badiyeen xulka dalka Argentina.
Ciyaarta ayaa ku bilaabatay weerar iyo rogaal celis, iyadoo xul kasta uu qalbiga soo geliyay inuu guul gaaro si uu koobka u qaado.
Daqiiqadii 22-aad Argentina ayaa ku dhowaatay inay hogaanka u qabato ciyaarta, kadib marki Gonzalo Higuain uu fursad uu gool ku dhalin karay ka qasaariyay xulkiisa.
Argentina ayaa daqiiqadii 30-aad laga diiday gool uu u dhaliyay Gonzalo Higuain, kadib marki calan wadaha uu sheegay inuu offside ku jiray.
Jarmalka ayaa ku dhawaaday inuu hogaanka qabto, marki laad xor ahayd oo uu laadaday Andre Schurrle banaanka u bixiyay goolhayaha xulka Argentina daqiiqadii 36-aad.
Messi ayaa la gafay kubadda xilli uu jiiray daafacyada xulka Jarmalka daqiiqadii 46-aad ee bilaawgi qabti dambe ee ciyaarta.
Labada xul ayaa isku mari waayay 90 ki daqiiqo ee ciyaarta,iyadoona lagu daray 30 daqiiqo oo dheeri ah oo ay ku kala haraan labadan xul ee Germany iyo Argentina.
Mario Gotez oo bedel ku soo galay ciyaarta ayaa xulkiisa Jarmalka u sahlay inuu ku guuleysto koobka Aduunka, marki uu gool qurux badan u dhaliyay daqiiqadii 113-aad, kubad uu daba mariyay goolhayaha Argentina.
Goolkaasi ayuuna xulka Jarmalka kaga badiyay xulka Argentina, iyadoona uu sidaas koobka ugu guuleysto xulka Jarmalka.
Xulka Jarmalka ayaa koobkaan u noqonaya kii afaraad ee ay ku guuleystaan, iyadoo horray ugu kala guuleystay sanadki 1954, 1974 iyo 1990-ki.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 21:43 and have
, Published at