daajis.com:-Xulka Jarmalka ayaa god ku riday riyadii Brazil ee koobka adduunka,
kadib markii gurigooda lagu xasuuqay, iyadoo mudo ku dhow 30 sno kadib
gurigooda ku garaacay xulka Jarmalka.
Xulka Jarmalka ayaa ku xasuuqay 7 gool iyo 1 xulka Brazil oo
martigelinaya koobka adduunka. Waxaana hoggaanka ciyaarta qeybtii hore
maamulayay xulka Jarmalka, kadib marki uu gool dhaliyay weeraryahankooda
Thomas Mueller, daqiiqadii 11-aad.
Isla qeybtii hore ee ciyaarta ayaa waxay u muuqatay inay ku yara
sareysay cayaartoyda xulka Jarmalka oo garoonka lasoo galay inay guul ka
gaareen xulka Brazil. daqiiqadii 12-aad, ayaa weeraryahanka Miroslav
Klose uu dhaliyay goolkii labaad, taasoo ilmo ka keentay jamaahiirta
Brazil.
Klose ayaa goolkiisa noqday goolkiisii 16aad ee taariikhda Koobka
Adduunka isagoo jabiyay rikoorkii uu hore u hayay halyeeygii hore ee
Brazil Ronaldo.
Toni Kroos ayaa Sedax daqiiqo gudahood ku dhaliyay labo gool, taasoo
ka dhigtay ciyaarta 5 gool iyo waxba oo lagu kala nastay, waxaana markii
la isku soo laabtay badal kusoo galay Andre Schuerrle oo labo gool is
xigta ka dhaliyay ciyaartana ka dhigay 7-0.
Brazil oo dadaal badan sameysay maadaama ay ka maqnaayeen daafacooda
Thiago Silva iyo xiddigooda weerarka ugu dheela Neymar ayaa daqiiqadii
90-aad hal gool u dhaliyay Oscar.
Taageerayaasha Brazil ayaa afka gacanta saartay, mid walba indhahiisa ayaa ilmo ka soo burqaneysay.
Guuldarada Brazil ayaa noqoneyso mid gasha taariikhd kubada cagta,
waxayna kaalinta sedaxaad sugayaan inay kula tartamaan midkii soo baxa
Holland ama Arjantiin.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 17:28 and have
, Published at