daajis.com:-Gabar weriye ah oo u dhalatay dalka Canada Amanda Lindhout oo muddo
15 bilood ah afduub loogu haystay dalka Soomaaliya ayaa la samaynayaa
filim ka sheekeynaya sidii loola dhaqmay mudadii ay ku jirtay gacanta
afduubayaasha.
Filimkan ayaa waxaa jili doonta aktarad caan ah Rooney Mara kadib
markii gabadhan saxafiga ah ay ka qortay buug ka sheekeynaya dhibaatadii
loo geystey mudadii ay ku jirtay gacanta afduubayaasha
Gabadhan ayaa qortay buug ay ugu magac dartay “The House In The Sky”
kaasoo ay soo jiidatay shirkadda Annapurna Pictures kaasoo go’aansaday
in uu filim ka sameeyo sheekada. Shirkadan ayaa waxaa ay soo saartay
aflaam abaalmarino ku guuleystay sida American Hustle, Her iyo Zero Dark
Thirty.
Lindhout iyo sawir qaade u dhashay dalka Australia Nigel Brennan ayaa
lagu afduubtay duleedka magaalada Muqdisho bishii August 2008. Labadan
weriye ayaa waxa ay ka shaqeynayeen sheeko waxaana ay ku jireen gacanta
afduubayaasha muddo gaareysa 460 ruux.
Lindhout ayaa sheegtay in buuga ay qortay uu yahay mid ku salaysan
fikirkeeda iyo wixii ay aragtay. Gabadhan saxafiyada ah ayaa sheegtay in
fal kufsi ah lagula kici jiray muddii ay haysteen kooxda afduubatay.
Buugga ayaa waxa uu daaha ka qaadayaa sida qoysaska ay ka soo jeedeen
labadan saxafi ay ugaga hareen dowladahoodii Canada iyo Australia
kadibna ay u weecdaan dad la xaajooda kooxda afduubka ku haysatay.
Lacag gaaraysa $600,000 ayaa la siiyay kooxdii afduubatay
saxafiyiintan halka lacag intaa la’egna ay heleen dadkii la xaajoonayay
afduubayaasha.
Lindhout ayaa sheegtay in mid ka mid ah dadkii afduubtay ee falka
kufsiga ahna kula kacay uu kula soo xiriiray Facebook uuna ugu
hambalyeyay dadaalkeeda ah in ay gargaarto gabdhaha Soomaaliyeed ee
falalka kufsiga ah lagula kaco.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 01:42 and have
, Published at