daajis.com:-Ra’iisul Wasaaraha Xukuumadda Federaalka Soomaaliya mudane Cabdiwali
Sheekh Axmed Maxamed, ayaa maanta Ubax dhigay xarrumo taariikhi ah oo ku
yaala magaalada Caasimadda ah ee Muqdisho, wuxuuna sidoo kale ka qeyb
galay banaanbax lagu weynaynayey Munaasabadda 1-da Luuliyo.
Goobahaan
ayaa qaarkood waxaa dayactir ku sameeyey maamulka gobolka Banaadir,
waxaana RW salaan ka qaatay Ciidamada Bambayda, wuxuuna Ubax dhigay
Taallooyinka Sayidka, Xaawo Taako, Dhagax-tuur , SYL, Daljirka Dahsoon,
kuwaas oo caalamad u ah gobanimadoonkii Soomaaliya.
Banaanabaxa
ayaa waxaa Ra’iisul Wasaaraha ku wehliyey Wasiirka Arrimaha Gudaha iyo
Federaalka Cabdullahi Godex Bare, Gudoomiyaha Gobolka Banaadir Xasan
Maxamed Xuseen Muungaab, Xildhibaano, iyo dadweyne farabadan oo ruxayay
calanka Jamhuuriyada iyo sawirrada Madaxda qaranka ayaa socod lug ah uga
soo baxay Taalada Sayidka, waxaana ay ku tageen Daljirka Dahsoon oo
lagu qabanayay banaanaxa, iyadoo intii ay madaxdu socodka ku jireen ay
salaan iyo Hambalyo is weydaarsanayeen dadweyne faro badan oo taagnaa
wadada hareeraheeda.
Fanaaniinta
Qaranka oo ay kamid ahaayeen Abwaanka Sangub, Maxamed Axmed Qoomaal,
iyo kooxaha kala duwan ee Fanaaniinta ayaa ka qaaday heeso wadani ah,
sidoo kale waxaa lagu soo bandhigey goobta majaajilo, gabayo iyo waliba
Shirib guud ahaanba ka turjumaya maalmaha taariikhiga u ah Soomaalida
meel ay joogtaba.
Guddoomiyaha
gobolka Banaadir ahna duqa Muqdisho Mudane Xasan Maxamed Xuseen
Muungaab oo ugu horreyn banaanbaxa ka hadlay ayaa sheegay ujeedka
banaanbaxani inuu yahay soo dhaweynta maalmaha xoriyada. “Mudane
Ra’iisul Wasaare halkaan waxaan kusoo gabo-gabeyneynaa usbuucii
Xoriyadda oo maalmahaan ka socday Muqdisho, waxaan u mahadcelinayaa
guddigii qaban-qaabada iyo dadweynaha ka-kala yimid xaafadaha Muqdisho”
ayuu yiri Guddoomiye Muun-gaab.
Ra’iisul
Wasaaraha Xukuumadda Federaalka Soomaaliya Mudane Cabdiwali Sheekh
Axmed oo boqolaal dadweyne ah kula hadlayay Taalada daljirka Dahsoon
ayaa ku dheeraaday ahmiyada ay leedahay 1-da Luuliyo iyo halgankii loo
soo maray Xorriyada, waxaana uu shacabka Soomaaliyeed ku booriyay inay
qaataan mid lamid ah go’aankii dhalinyaradii SYL.
“Waxaa
alle mahad-dii ah inaan maanta ku ciideyno xarruntii caanka ahayd ee
daljirka Dahsoon oo mudadii bur-burrku socday aan lagu ciidin, maantana
aad u jeedaan bilicda iyo quruxda ka muuqata, Sidaa daraadeed waa in aan
geed dheer iyo geed gaaban u fuulnaa si aan u adkeynlaheyn midnimadeena
iyo wadajirkeena, maanta cadowga naga hortaagan in aan xuriyadeena ku
naaloono waa argagaxiso isticmaalaya Soomaali iyo shisheeyaba, hadaba
waa inaan si wada jir ah ula dagaalannaa cadowga argagaxisada, waan
hubaa haddii aan wadajirno inaan ka guulaysanayno” ayuu yiri Mudane Cabdiwali Sheekh Axmed.
Ra’iisul
Wasaaraha Soomaaliya oo sidoo kale ka hadlayey holwgaladda lagu
siffaynayo Nabad-diidka Al-Shabaab oo dhibaato ku haya diinta Islaamka,
dhaqanka Soomaaliyeed iyo in ay bulshado ku talaabsato horumarada uu u
baahan tahay, waxaana uu yiri: ”
Magaalooyin
badan ayaan ka saarnay Nabad-diidka Al-shabaab, waxaa naga go’an in aan
soo afjarno dhibaatada ay ku hayaan umadda Soomaaliyeed. Waxaan idiin
xaqiijinayaa in dalku uu ku socdo dariiqii saxda ahaa, lagana gudbi
doono dhamaan caqabadaha yar yare ee na haysta.
Ugu
danbtayntii RW Cabdiwali ayaa sheegay in Xukuumaddu ku howlan tahay
sidii adeegyada bulshada loo gaarsiin lahaa dhamaan gobolada Dalka,
sidoo kalana goobaha ay ka taliyaan nabad diidka uga xorayn lahayn, si
wadaniyiinta Soomaaliyeed ee ku dhaqan goobahaas ay ugu dabaal dageen
hadii Eebe Idmo maalmaha xoriyada sanadka soo socda.
DHAMAAD
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 01:34 and have
, Published at