Warbaahinta oo qoraal dheer ka qortay Arrinta gabdhahaani, ayaa waxa ay sheegen in Labadan gabdhood ee mataanaha ah laga waayay sariitooda saqdii dhexe ee xalay iyagoo lasheegay in dalka Britain diyaarad karaaceen si ay ugu biiraan kooxda Dacish ee dalka Syria iyo Iraq kadagaalanta.

Warbaahinta waxa ay daboolka ka qaaday in Sanajirka Gabdhahaasi uu yahay inta u dhaxeyso 15-17-sano waxaana la sheegay in Gabdhahaasi ay la noolaayen Qoyskooda oo degnaa Magaalada Manchester, iyagoona uduulay dhanka Dalka Turkiye si ay ugu sii gooshaan dalka Syria oo uu ka jiro Dagaal qaraaran oo u dhexeeyo Mucaaradka iyo Dowlada.

Gabdhahani oo Asal ahaan kasoo jeeda Dalka Somalia, ayaa waxa ay arrintooda murugo galisay qoyskooda oo iyagu goor dhow ku baraarugay in Carruurtooda ay u Jihaad doonteen Dalka Syria.

Mataanahaani ayaa iminka heysta dhalashada dalka England waxa ayna Habeenkii tagay si qarsoodi ah xilli lagu haleynaayay Jiif u ruqaansadeen Dalka Turkiga si ay uga sii baxaan Syria.

Dhanka kale, Wargeyska The Sun ayaa laga soo xiganayaa in gabdhahan ay duulimaad toos ah ugu safreen dalka Syria ,waxaana la’aamisanyahay in walaalkood kaween uu kamid yahay kooxda Dacish ee dalalka Syria iyo Iraq kadagaalanta.