daajis.com:-Ururka Ahlu sunna Waljamaaca ayaa markii ugu horeysay sheegay in
ciidamo ka tirsan maamulkooda ay usoo dirayaan magaalada Muqdisho,
laakiin sharuud ayay ku xireen.
Gudoomiyaha gudiga fulinta Ahlu sunna Sheikh C/risaaq Maxamed
Al-ashcari ayaa ugu horeyn sheegay in amni darada ka jirta magaalada
Muqdisho ay tahay habacsanaan dhanka dowlada Soomaliya.
Wuxuu sheegay in ciidamada Ahlu sunna ay sugi karaan amaanka
magaalada Muqdisho ayna ku filan yihiin, laakiin wuxuu ku xeray sharuud
ah in laga soo dalbado oo dowlada Soomaaliya ay ka codsato.
“Dhowr jeer waan sheegnay baaqan oo kale, haddana waan ku celinaynaa
waxaana leennahay haddii ay naga dalbato dowladda Soomaaliya inaan ka
taageerno sugidda amniga Muqdisho diyaar ayaan u nahay,” ayuu yiri
Sheekh C/risaaq Al-Ashcari.
Wuxuu sidoo kale cadeeyay in ciidamadoo ay diyaar u yihiin inay
xaqiijiyaan amaanka magaalada Muqdisho gaar ahaan xarumaha muhiimka ah
sida garoonka, dekada iyo madaxtooyada Soomaaliya.
“Amni-darrada Muqdisho waxaa sabab u ah habacsanaan dhinaca ammaanka
ah oo haysata laamaha amniga dowladda Soomaaliya, waxaana hubaal ah in
haddii aan la helin hannaan dhameystiran oo lagu sugayo amniga inaan
lagu guuleysan karin in amniga la sugo lagana hortago weerarrrada
Al-shabaab,” ayuu hadalkiisa raaciyay Sh. Al-Ashcari.
Ugu dambeyntii gudoomiyaha gudiga fulinta Ahlu sunna ayaa sheegay in
qaraxyada ka dhacaya magaalada Muqdisho ay sababtooda leeyihiin
hayadaha amniga oo aan si dhab ah u wada shaqeyn.
Ma kula tahay in Ahlu-sunna ay amaanka muqdisho wax weyn ka badali karto waa sida ay hadalka udhigeeni?
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 17:22 and have
, Published at