daajis.com:-Dagaalkii Al-Shabaab ay caawa ku qaaday xarunta madaxtooyada ee Villa
Somalia, ayaa weli socda, waxaana la sheegayaa inuu xoogeystay.
Dagaalka iyo qaraxyada ayaa markii laga soo baxay salaadda maqrib oo
loo fadhiistay afurka ka bilowday illinka madaxtooyada ka xiga dhanka
degmadda Boondheere.
Waxaa la sheegayaa in rag is-miidaamiyayaal ah ay weerarka soo
qaadeen. Kooxda weerarka soo qaaday ayaa ah Al-Shabaab xiran dharka
ciidamada dowladda Soomaaliya.
Waxa ay marka hore qaraxyo ku bilaabeen albaabka madaxtooyada ee
dhanka Boondheere, waxaana kadib ay xijiyeen rasaass xooggan, ayaga oo
gudaha u galay Villa Somalia.
Warar aanu ka helnay ilo lagu kalsoon yahay ayaa sheegaya in weerarku
uu ku bilowday kadib markii baabuur ay la socdaan dablaydu uu isku
dayey inuu xoog ku galo madaxtooyada kadibna ay hor istaageen ciidamada.
Daqiiqado kadib ayaa la sheegay inuu is qarxiyey mid ka mid ah
dadblayda la socotay babauurka, waxaana xigay ciidamo lugta ku sucoda oo
weerar kusoo qaaday dhismaha madaxtooyada.
Wararku waxay sheegayaan in laba ka mid ah dablayda weerarka soo
qaadday lagu dilay balse ay weli ku rakiban yihiin waxyaabaha qarxa.
Dagaal-yahannada Al-Shabaab, ayaa lagu warramayaa inay qabsadeen
xafiiska ra’iisul wasaare Cabdi Weli ee gudaha madaxtooyada, inkasta oo
aan si rasmi ah loo xaqiijin.
Sidoo kale Al-Shabaab ayaa sheegtay inay qabsadeen xafiiska madaxweynaha Soomaaliya ee gudaha Villa Soomaaliya.
Warar hordhac ah oo aan helnay ayaa sheegaya ilaa 7 qof inay dhinteen
oo u badan askarta dawladda iyo dablayda weerarka soo qadaday.
Af-hayeenka dawladda Soomaaliya Ridwaan Xaaji Cabdiweli ayaa VOA u
sheegay inay bad-qabaan Madaxweynaha, Ra’iisul Wasaaraha iyo Wasiirrada.
Kooxda weerarka soo qaadday, ayaa lagu warramayaa inay ka dagaalameen
gudaha madaxtooyada, oo huganka rasaas iyo madaafiic aad
looga maqlayey.
Wasiirka arrimaha gudaha Cabdullahi Goodax Barre, ayaa xaqiijuyey in
dagaalka iminka uu dhammaaday kadib markii ay dileen dhammaan xubnihi
Al-Shabaab ee weerarka soo qaaday.
Wixii warar ah ee arrintan kusoo kordha ha naga dheeraan insha allah.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 02:07 and have
, Published at