daajis.com:-Shacabka Hargeysa ayaa ka walaacsan dhaqan xumo mudooyinkan kusoo badanayay magaalada Hargeysa ee xarunta maamulka Somaliland.
Dhalinyaro isugu jira Rag iyo Dumar oo da’ahaan aan ka badneyn 18
ilaa 25 jir, ayaa la sheegay in xiliyada saqdii dhexe ee habeenkii ay
magaalada ka sameeyaan falal dhaqan xumo ah, iyagoo ku wareega gaadiid
yaryar oo nooca raaxada ah, waxayna isticmaalayaan daroogada nooca
Khamriga ah.
Xiliyada danbe ee habeenkii ayaa si weyn looga dareemaa
dhaqdhaqaaqooda iyo hab-dhaqanka cusub ee ay soo kordhiyeen, iyadoo la
arko inay ku dagaalamayaan maandooriyaha Khamriga ama dusha ka wada
saaran yihiin Gaadiidka yar yar iyagoo isugu jira rag iyo dumar.
Falalkan
dhaqan xumada ah ee kasoo horjeeda dhaqanka suuban iyo Diinta Islaamka
ayaa noqday kuwo mudooyinkan kusii xoogeysanaya Hargeysa, iyadoo
xiliyada danbe ee habeenkii wadooyinka lagu arko dhalinyaradan oo falal
xun xun ka geysanaya.
Waxaa meesha ka marneyn in Hoteelo iyo goobo kale oo dhalinyarada
isugu tagaan ay jiraan, kuwaasi oo dadka ay ka digayaan haddii ay sii
socdaan in dhibaato ay ka dhalan karto.
Dhalinyaradan ayaa intooda badan yihiin Rag iyo Dumar dib ugu soo
laabtay Somaliland, kuwaasi oo qaarkood dhaqan celis ahaan loo keenay.
Ciidamada amaanka ayaa xiliyada ay qabtaan, dhibaato kala kulma,
waxaana dhacda inay tanaasul u sameeyaan ciidamada, maadaama aysan fasax
u haysan tallaabada laga qaadayo dhalinyaradaasi saqraansan.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 21:50 and have
, Published at