Mudane Ridwaan Xirsi Maxamed ku-simaha Ra’iisul wasaaraha iyo mas’uuliyiintii la socday oo ay ka mid ahaayeen Wasiirka Garsoorka Mudane Faarax Sheekh C/qadir,Wasiirka Warfaafinta Mudane Mustaf Sheekh Cali Dhuxulow, Xeer ilaaliyaha Guud ee Qaranka Mudane Cali Axmed Daahir iyo xubno kale ayaa waxa ay kormeerkooda ka bilaabeen qeybaha uu xabsiga dhexe ka koobanyahay, waxaana ay soo indho indheeyeen xaaladda maxaabiista ku xiran xabsiga, qeybta caafimaadka, taliska iyo qeybta saadka.

Kormeerkan dhammaan qeybaha Xabsiga dhexe, markii uu soo idlaadey ayaa Warbaahinta Qaranka la hadlay Wasiirka Garsoonka iyo Dastuurka ee Xukuumadda Federaalka Soomaaliya, Mudane Faarax Sheekh Cabdulqaadir Maxamed, waxa uuna tilmaamay in muhiimaddu kormeerkaani uu ahaa sidii ay howlaha guud ee Xabsiga uu u hayo dalka loo oggaan lahaa, isla markaana loo ogaado daruufaha ka jira si ay dowladda Soomaaliya u dhameystirto.

U jeedada kormeerkan ayaa qeyb ka ah dadaallada ay Xukuumadda Soomaaliya ugu jirto dib u habeynta Garsoorka guud ee dalka, iyadoo sidoo kale ay Xukuumadda ay dooneyso dhowridda Xuqaaqda Muwaadiniinta Soomaaliyeed, waxaana Xabsiga dhexe ee Xamar uu qabtaa howla tiro badan oo dhanka Dhaqancelinta ugu muhiimsan tahay.