daajis.com:-Madaxweynaha Maamulka Galmudug Cabdi Xasan Cawaale "Qeybdiid" ayaa ku eedeeyay Madaxweynaha Puntland C/weli Gaas inuu doonayo dhibaato uu ka abuuro gobolada Dhexe ee Somalia.
Hadalka Qeybdiid ayaa ka danbeeyay kadib markii Madaxweynaha Puntland uu ka jawaabay hadal uu jeediyay C/qeybdiid, isagoo hadalkaasina ku tilmaamay inuu ahaa gardaro garab og.
Hase ahaatee Madaxweynaha Galmudug ayaa Cabdiweli Gaas ku tilmaamay inuusan rabin maamul loo dhiso gobolada dhexe, isla markaana doonayo inuu dagaal iyo colaad hor leh abuuro.
"C/weli Gaas ma doonayo in dadka Gobolada Dhexe dhistaan maamul, wuxuu rabaa inuu abuuro dagaal iyo dhibaato cusub"ayuu yiri Cabdi Qeybdiid.
“Maamulka Gobolada dhexe laga dhisayo waxaa dhisanayay dadka daga Gobolada dhexe,aniga wax aan Dowlad ku cadaadinayo ma jiraan”ayuu yiri sii raaciyay Qeybdiid.
Madaxweynaha Maamulka Puntland C/wali Maxamed Cali Gaaz ayaa sheegay Dhawaan in Cabdi Qeybdiid uu doonayo in si Xoog ah loo dhiso Maamulka Gobolada dhexe ee Dalka Soomaaliya.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by 19:18 and have
, Published at