daajis.com:-Ilo wareed ka tirsan Maleeshiyada Axmed Cabdi Godane ee Alqaacidada
Somalia, ayaa sheegaya in Degmada Baraawe ee Gobolka Shabeellaha Hoose
ay ka socdaan Shirar waaweyn oo u dhexeeya Hoggaamiyaha Maleeshiyada iyo
gabi ahaan Saraakiisha Alshabaab ee ku kala sugnaa Gobolka Banaadir iyo
Gobolada Dalka oo idil,oo halkaasi isugu tagay.
Shirka ayaa la sheegayaa inuu yahay mid lagu dajinaayo shirqoolo ka
dhan Dowlada Federaalka Somalia, kadib markii ay DF jaan rogtay
Siyaasada Alshabaab ee ku saleysneyd falalka gurcan ee isugu jira dilka
iyo weerarka Maleeshiyada uga geysan jireen Magaalada Muqdisho, oo
Shabaabka looga adkaaday.
Waxaa sidoo kale shirarka looga hadlayaa dagaalka culus ee degmadaas
iyo goobaha kale ee Al-Shabaab kaga soo wajahn dowladda federaalka
Soomaaliya iyo Amisom.
Shirarka ayaa la sheegayaa in Baraawe uu ka socdo muddo Seddex maalin
ah, iyadoona ay soo gaaren halkaasi Saraakiil Ajaanib ah oo kasoo kala
jeeda Dalalka Pakistaan, Ciraaq iyo kuwa kale, kuwaasi oo bixinaaya
Tababaro.
Sidoo kale, Hoggaamiyaha Alqaacidada Somalia ee Alshabaab Axmed
Godane ayaa wado qorshooyin cusub, waxaana la sheegay inuu ku hanjabay
inuu Jawaab ka bixin doono dilalkii ay maalmahaani fulineysay Maxkamada
Ciidamada Qalabka sida iyo Howlgaladii lagu maja xaabinaayay Saraakiisha
Maleeshiyada Alshabaab ee ku dhex dhuumanaaya Magaalada Muqdisho.
Waxan la Ogeyn Go’aanada ay Maleeshiyado ka soo saari doonaan kulamadooda ka socda Degmada Baraawe oo gacanta ugu jirto Kooxda.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 15:53 and have
