daajis.com:- Madaxweynaha Soomaaliya Xasan Sheekh ayaa sheegay inuu mabda’ ahaan oggol yahay Xil-ka-qaadista ay Golaha Wasiiradda ay dhowr isbuuc ka hor xilka uga qaadeen Agaasimihii Hay’adda Sirdoonka iyo Nabadsugidda Qaranka, C/llaahi Maxamed Cali "Sanbalooshe”.
Ilo ku dhowdhow Madaxtooyadda ayaa HMN u xaqiijiyey inuu Madaxweynuhu nalka cagaaran u shiday Xil-ka-qaadistaas, kuna oggolaaday mabda’ ahaan go’aankii Golaha Wasiiradda ka qaateen Mas’uulkaasi.
Hadalka Madaxweynaha ayaa u muuqda mid qaboojin kara xiisadda soo laba kaclaysay ee Madaxweynaha iyo Ra’isul-wasaaraha, oo iyagu isku khilaafsanaa Xil-ka-qaadista Agaasimihii Hay’adda Sirdoonka iyo Nabadsugidda Qaranka.
Ma cadda inay Xildhibaano ka tirsan Barlamaanka Federalka oo iskooda isku xilqaamay inay u kala dab-qaadaan Madaxweynaha iyo Ra’isul-wasaaraha ay suurto-geliyeen inuu Madaxweynuhu oggolaado inuu ka noqdo mowqifkii uu kaga soo horjeeday Xil-ka-qaadista Sanbalooshe.
Dhinaca kale, Ra’isul-wasaare C/weli Sheekh Axmed oo haatan booqanaya dalka Norway ayaa Warbaahinta u sheegay inuusan jirin khilaaf buuran oo isaga iyo Madaxweynaha u dhexeeya oo la xiriirta Xil-ka-qaadistaasi.
.jpg)
Madaxweyne Xasan Sheekh Maxamuud
Xeeldheerayaasha ayaa rumeysan inay Madaxweynaha iyo Ra’isul-wasaaraha ka dhex jirto calawsanaan siyaasadeed iyo khilaaf-hoosaadyo aan la dabooli karin.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 16:23 and have
