daajis.com:- Dowladda Turkiga ayaa mar kale ku eedeysay Ruushka in Jimcihii la soo dhaafay ku soo xadgudubtay Hawadooda, markii diyaarad dagaal ay soo gashay hawada meel ku dhow Xuduuda Suuriya, waxaana ay uga digtay cawaaqib xumada ka dhalan karta ficilkaas.
Wasaaradda Arrimaha Dibadda Turkiga ayaa sheegtay in digniin horu dhac ah la siiyay duuliyaha diyaarada, isla markaana lagula hadlay afafka Ingiriiska iyo Ruushka, Sidoo kalana Xukuumadda Moscow oo ka jawaabeysay eedeynta Turkiga ayaa ku tilmaamay mid aan xaqiiqda ku saleysneyn oo been abuur ah.
Xiisada labada dal u dhaxeysa ayaa sii xoogeysanayay, tan iyo markii Turkiga uu bishii November ee sanadkii hore uu soo riday diyaarad dagaal oo Ruushku leeyahay.
HALKAN KA DAAWO VIDEO
Ruushka ayaa gooyay cilaaqaadkii Diblomaasiyadeed uu la lahaa Turkiga, waxaana uu ku soo rogay cunaqabateyn dhinaca dhaqaalaha ah, Dhinaca kale NATO ayaa ugu baaqday Ruushka inay dhowrto hawada dalalka xubnaha ka ah Isbaheysiga NATO.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 19:30 and have
