daajis.com:- Dowlada Kenya ayaa goordhow ka hadashay weerar ay Maleeshiyada Al-shabaab kula wareegtay deegaanka Carabiya oo hoostaga Degmada Mandheera ee Gobolka Waqooyi Bari Kenya.
Dowlada Kenya waxa ay sheegtay in weerarkaasi ay fuliyeen Maleeshiyaad dhan 21 kuwaa oo Saacado badan heystay deegaanka Carabiya iyo Saldhiga weyn ee deegaanka.
Maxamuud Saalax oo ah Xiriiriyaha Gobolka Waqooyi Bari ayaa sheegay in Maleeshiyada ay geysteen xasuuq ba’an waxa uuna tilmaamay in iminka ay ka baxeen deegaanka.
Maxamuud Saalax waxa uu sheegay in goobaha ay la wareegen Alshabaab ay ku sugnaayen Ciidamada Kenya iyo kuwa Mandheera.
Waxa uu tilmaamay in Alshabaab ay isaga baxeen deegaanka waxa uuna tilmaamay in Ciidamo ay u direen Deegaanka Carabiya.
Geesta kale, Maamulka Mandheera ayaa sheegay in dadka ay laayen Alshabaab ay ku jiraan Ciidamo Kenyan ah.
FADLAN LIKE SII BOGGA DAAJIS.COM EE FACEBOOK.
_____________________
Xafiiska Shabakada Daajis.com
USA-Alaska
Ceelka@gmail.com
www.daajis.com
Facebook Blogger Plugin by deercali.blogspot.com | Get Widget
Posted by , Published at 17:30 and have
